ANIMALES EN ADOPCION EN GALICIA









viernes, 14 de marzo de 2014

Apoios por un circo sen animais en Pontevedra. Touradas fóra de Pontevedra

Pontevedra
¿Queredes a cidade de Pontevedra libre de circos con animais? ¡Nós tamén! Ímoslle pedir ó Concello de Pontevedra que leve a proposta ó pleno. Facemos un chamamento a todas aquelas asociacións, colectivos e organizacións de calquera tipo que estean interesadas en formar parte da petición. Se queredes participar na lista de apoios que lle imos presentar ó Concello, enviádenos un e-mail ou un privado ó noso Facebook.

touradasforadepontevedra@gmail.com

¡Moitas grazas a todos!


PD: Achegamos o manifesto redactado polos nosos compañeiros da A. C. Revira, xa que compartimos plenamente as súas palabras.

"!Os circos representam um espectáculo que busca ser agradável, divertido e fomentar valores positivos nas cativas (principal público) mas tambén no resto de pessoas que acodem às suas funçons.

Neles, palhaÇos, contorsionistas, cómicos, acróbatas e prestidigitadores fam as ledícias das espectadoras, mas há determinadas companhias circenses que nos seus programas incluem números nos que usam animais.

Desde a Associaçom Cultural Revira queremos amossar a nossa repulsa cara estas práticas, que consideramos portadoras de crueldade polas seguintes razons (entre outras):

- Catividade e transporte: Quando nom se atopan actuando, os animais que se ussam nos circos passam entre um 70 e um 90% do tempo engaiolados e submetidos a um profundo stress, assim como também com os seus instintos básicos coartados. Isto fai que desenvolvam comportamentos anormais, conhecidos coma Zoocose, termo acunhado em 1992 quando Travers se referia por primeira vez aos comportamentos neuróticos froito do cativerio ao que moitos animais eram (e som) submetidos nos zoológicos.

Alguns exemplos de conductas zoocóticas som auto-mutilaçom, canibalismo, caminhar em círculo constantemente, apatia, agressividade (o que conduce também ao canibalismo e a matar outros animais) ou coprofilia (acto de alimentarse ou “jogar” com os seus propios excrementos).

No transporte, os animais vam igualmente engaiolados, nas mesmas condiçons que quando permanecem num lugar determinado, engadindo o constante movemento e o facto de estar sendo despraçados a grande velocidade durante longas distancias sem apenas parar.

Consideramos que é inumano o confinamento de animais presente nos circos e os demais calvarios que este conleva, assim como o facto de arrincá-los do seu hábitat.

- Adestramento: Aproveitando capacidades fisiológicas e habilidades naturais, os animais som forçados a realizar acçons antinaturais. Ursas “bailarinas”, elefantas “acróbatas”, tigres saltando no meio de aros de lume, porcos lançados desde grandes alturas a piscinas cheias de água… Pode semelhar divertido a simples vista mas detrás agocha-se a realidade da violência, a coacçom e o condicionamento para forçar a umha criatura a ter um comportamento ou outro, com a lógica de que se nom asimila e reproduce esas açons, padecerá danos físicos. Nos adestramentos empregam-se instrumentos coma descargas elétricas, latigazos e malheiras para que os animais aprendam o que tenhem e non tenhem que fazer.

Por estas e outras razons, consideramos os circos com animais um exemplo de TORTURA, comparável à tauromaquia e outros, e consideramos urgente actuar".

A.C. Revira
 
 
 

No hay comentarios:

Publicar un comentario